FAQ / கேள்வி





  1. கேள்வி: இவ்வலைதளத்தில் பதிவு செய்வது எப்படி ?

    பதில் : இத்தளத்தின் முகப்புப்பக்கத்தில் உள்ள ‘பதிவு’ எனும் இனத்தைச் சொடுக்குவதின் மூலம் நீங்கள் ‘User Login’ பக்கத்திற்கு அழைத்துச் செல்லப்படுவீர்கள். ஏற்கனவே பதிவுதாரராக இருக்கும் பட்சத்தில், உங்கள் பதிவு விவரங்களை உட்செலுத்தி, தளத்திற்குள் நுழையலாம் அல்லது புதிய பதிவு மேற்கொள்வதற்கு ‘Register as a candidate’ என்ற சுட்டியைச் சொடுக்கி, கோரப்படும் சரியான சுயவிவரங்களை உள்ளீடு செய்தல் வேண்டும். இது குறித்த விளக்கக் காணொளி (User Manual) கீழே வழங்கப்பட்டுள்ளது.
    Download User Manual

  2. கேள்வி: இவ்வலைதளத்தை யாரெல்லாம் பயன்படுத்தலாம் ?

    பதில் : மத்திய மாநில அரசுத்துறையில் பணிபுரிய விரும்பும், அதற்குரிய தேர்வுகளுக்குத் தயாராகும் இளைஞர்களுக்குத் துணைபுரியும் நோக்கத்தில் இவ்வலைதளம் உருவாக்கப்பட்டுள்ளது. அவர்களே இதன் முதன்மை பயனாளிகள் ஆவர்.

  3. கேள்வி: எனது கடவுச்சொல் மறந்துவிட்டது. நான் எப்படி தளத்தில் நுழைவது ?

    பதில் : ‘User Login’ பக்கத்தில் உள்ள ‘Forget Password ?’ சுட்டியைச் சொடுக்குவதன் மூலம் தங்கள் மின்னஞ்சல் வாயிலாக புதிய கடவுச்சொல்லை உருவாக்கிக்கொள்ளலாம். அதைக்கொண்டு மெய்நிகர் கற்றல் வலைதளத்திற்குள் மீண்டும் நுழையலாம்.

  4. கேள்வி: பதிவு மேற்கொள்வதற்கு சான்றிதழ்கள் எதுவும் அவசியமா? அவற்றைப் பதிவேற்றம் செய்ய வேண்டியது இருக்குமா ?

    பதில் : தேவையில்லை. உங்களது சுயவிவரங்கள், முகவரி, கல்வித்தகுதி, அலைபேசி எண் ஆகியவற்றை உள்ளீடு செய்வது போதுமானது. ஆதார், குடும்ப அட்டை போன்ற அடையாள விவரங்களை அளிப்பது கட்டாயமாக்கப்படவில்லை இருப்பினும் அவற்றையும் உள்ளீடு செய்யலாம்.

  5. கேள்வி: பதிவு மேற்கொண்ட பிறகு பயனர் பெயரையும் கடவுச் சொல்லையும் மாற்ற இயலுமா ?

    பதில் : ஆம்! மாற்ற இயலும். உங்களது கணக்கிற்குள் நுழைந்து ‘சுயவிவரம்’ இனத்திற்குள் உள்ள ‘Edit Profile’ என்ற சுட்டியைச் சொடுக்கி உங்கள் பயனர் பெயரையும் கடவுச்சொல்லையும் இதர சுயவிவரங்களையும் கூட மாற்றிக்கொள்ள முடியும்.

  6. கேள்வி: இத்தளத்தில் உள்ள மென்பாடக்குறிப்புகளைப் பயன்படுத்துவதற்கு பதிவு மேற்கொள்ளல் அவசியமா ?

    பதில் : ஆம். இத்தளத்தில் பதிவுதாரரானால் மட்டுமே இதில் உள்ள மென்பாடக்குறிப்புகளைக் கற்க முடியும்.

  7. கேள்வி: மென்பாடக்குறிப்புகளைப் படிக்க ஒவ்வொரு முறையும் என் கணக்கிற்கு உள்நுழைய வேண்டுமா ? அல்லது அவற்றைத் தரவிறக்கம் செய்துகொள்ள வாய்ப்புண்டா ?

    பதில் : பதிவுதாரர்கள் மென்பாடக்குறிப்புகளைத் தரவிறக்கம் செய்துகொள்ளலாம். அதன் மூலம் இணையவசதி இல்லாத சமயங்களிலும் அப்பாடங்களைக் கற்கலாம்.

  8. கேள்வி: மென்பாடக்குறிப்புகளைத் தமிழிலும் கற்க முடியுமா ?

    பதில் : ஆம். மென்பாடக்குறிப்புகள் தமிழ் மற்றும் ஆங்கிலம் ஆகிய இருமொழிகளிலும் இடம் பெற்றுள்ளன. பயனர் தனது விருப்பத்திற்கேற்ப எந்த மொழியிலும் கற்கலாம்.

  9. கேள்வி: பதிவுதாரர் அல்லாத ஒருவர் இத்தளத்தில் எத்தகைய வசதிகளை எல்லாம் பயன்படுத்தலாம் ?

    பதில் : பதிவுதாரர் அல்லாத ஒருவர் முகப்புப்பக்கத்தில் ‘பாடத்திட்டம்’, வினாத்தாள்கள், மாதிரி தேர்வு, பாடநூல்கள் போன்ற பிரிவுகளைப் பயன்படுத்திக் கொள்ள இயலும்.

  10. கேள்வி: தளத்தில் நான் சந்திக்கும் இடர்களையும் ஐயப்பாடுகளையும் எப்படி தெரிவிப்பது ?

    பதில் : தங்கள் கேள்விகளையும் இடர்பாடுகளையும் ‘Virtual Learning APP’ என்ற மின்னஞ்சலுக்கு அனுப்பவதன் மூலம் உரிய பதில் பெறலாம்.

  11. கேள்வி: இத்தளத்தை அலைபேசியில் பயன்படுத்தக்கூடுமா ?

    பதில் : ஆம் பயன்படுத்தலாம். முகப்புப்பக்கத்தின் கீழ்ப்பகுதியில் காணப்படும் ‘Department of Employment and Training’ என்ற செயலியைத் தரவிறக்கம் செய்து அலைபேசியிலேயே இத்தளத்தை உபயோகிக்க முடியும்.

  12. கேள்வி: இத்தளத்தில் மேற்கொள்ளப்படும் புதிய பதிவேற்றங்கள் குறித்து எப்படி அறிந்து கொள்வது ?

    பதில் : ஒவ்வொரு புதிய பதிவேற்றம் குறித்தும் தங்களது கணக்கிற்கு அறிவிக்கை அனுப்பப்படும். இவற்றை உடனுக்குடன் அறிந்துகொள்ள ‘னுநயீயசவஅநவே டிக நுஅயீடடிலஅநவே யனே கூசயiniபே’ என்ற முகநூல் பக்கத்தை நீங்கள் பின் தொடரலாம். அதனில் புதுப்பதிவுகள் பற்றிய செய்திகள் உடனுக்குடன் பதிவிடப்படுகின்றன.

  13. கேள்வி: இத்தளத்தின் காணொளிப் பதிவுகளை இணைய ஊடகங்களில் காண வழியுண்டா ?

    பதில் : இத்தளத்தில் உள்ள தேர்வுத்தயாரிப்பு பற்றிய ஒளிப்பதிவுகளையும் தொழில்நெறி வழிகாட்டல் பற்றிய ஏனைய காணொளிகளையும் ‘tncareerservices employment’ என்ற யூ டியூப் சேனலில் அனைவரும் கண்டு பயனடையலாம்.

  14. கேள்வி: தேர்வுகளில் பங்கெடுக்க ஒருவர் பதிவுசெய்தல் அவசியமா ?

    பதில் : ஆம். பதிவு செய்யாத ஒருவர் மாதிரி தேர்வில் (Sample Test) பங்கெடுக்க இயலுமே தவிர முழுத்தேர்விலும் (Model Test) கலந்து கொள்ள முடியாது. தேர்வுகளை முழுமையாக எழுத ஒருவர் தளத்தில் பதிவு செய்தாக வேண்டும்.

  15. கேள்வி: இத்தளத்தை பயன்படுத்தும் இதர பதிவுதாரர்களுடன் கலந்துரையாடுவதற்கு வழிவகை ஏதும் உள்ளதா ?

    பதில் : உங்கள் கணக்கிற்குள் நுழைந்து Menubar இல் உள்ள ‘விவாதக்களம்’ என்ற சுட்டிக்குள் புகுந்தால் பல்வேறு விவாதக்குழுக்களைக் காணலாம். தாங்கள் விவாதிக்க விரும்பும் துறைவாரியான / படிப்பு வாரியான குழுக்களைத் தேர்ந்தெடுத்து அதில் நீங்கள் உரையாடலை மேற்கொள்ளலாம்.